ఎందుకీ కాలం ఇంతగా పరిగెడుతుంది...
నిన్ను చుసిన క్షణాలని పదిలపరచుకోనీయకుండా...
ఎందుకీ వేగం ఇంతగా తొందర పెడుతుంది...
కళ్ళలో దాగున్న నీ రూపం నిలిచి పోనీయకుండా..
ఎందుకీ మౌనం ఇంతగా కట్టడి చేస్తుంది..
నీతో పలుకైనా మాట్లాడనీయకుండా......
ఎందుకీ ఎద ఇంతగా సవ్వడి చేస్తుంది...
నీ మాటని దరి చేయనీయకుండా..
ఊరించే దగ్గరి తనం..
వేదించే నీ మౌనం...
ఇంకెంతకాలం ప్రియతమా.....

ప్రియా....
నా ప్రేమని నీకివ్వాలంటే... దానిని అమృతంగా.. మలిచి అక్షయ పాత్రలో సమర్పిస్తాను ప్రియతమా..
ప్రతి బిందువు నీకే అంకితం చేసేందుకు.. ఎంత స్వీకరించినా.. ఇంకా పెరిగే నా ప్రేమ దాహం చూపించేందుకు....
ఎన్నటికీ తడి ఆరని..నా ప్రేమ ప్రవాహాన్ని తెలిపేందుకు...ప్రియతమా...

చుట్టూ అన్ని ఉన్నా...తెలియని శూన్యం నన్ను చుట్టుముడుతుంటే....
అందరు చెంతనే ఉన్నా... ఇంకెవరో కావాలని.. కళ్లు ఆత్రంగా చూస్తుంటే..
వెన్నెల రాదనీ ... తెలిసీ... ఆశగా అమావాస్య నాడు కూసే కోయిలనవుతుంటే....
కళ్ళలో... నీ రూపం కన్నీల్లుగా చెక్కిళ్ళపై...జాలువారుతుంటే...
మౌనంగా మాటలు..మైనంగా కరిగిపోతుంటే....
ఏమి చేయాలో.. తెలీట్లేదు ప్రియతమా.........

క్షమించుమా...

ప్రియా....

మౌనమే నీ సమాధానమా...

హింసించే చూపులే నీ వైనమా....

వెంటాడే నీ నిశబ్దమే నాకు నరకమా....

నిను అర్థం చేసుకోలేదనుకుంటే నన్ను క్షమించుమా..

నీవే ప్రాణమనుకున్న నన్ను విడిచి పెట్టకుమా...

బావ గారికి..

నాలో ఏముందని ప్రశ్నించిన బావ గారికి అదే మా గోరంట్ల శ్రీ కృష్ణ బావ గారికి..మీ మరదలు..గౌరవం తో...శ్రద్దగా రాసిన చిరు కవిత....
--------౦--------
ఏమి తక్కువని మా శ్రీ కృష్ణుడికి...
ఆరడుగుల అందగాడు... నీల మేఘ శ్యాముడు.....ఆజానుబహుడునూ.... పైగా..
చురకత్తుల చూపూనూ..!!! ఆ చూపుల వలలో చిక్కిన రాధలెందరో మరి...!!!
తన మాటల మాయాజాలం తో.. సమ్మోహన శక్తి తో..ఎదుటి వారిని కట్టేస్తాడు సుమా....!!!
ఎన్ని మాయలు.... ఎన్ని లీలలు.... మహా కొంటె వాడు సుమా!!!

ఏమి లేవని మా గోపాల కృష్ణుడి దగ్గర..
కొండ ని డీ కొనే సాహసం లేదా...
దేన్నైనా ఎదురించే దైర్యం లేదా..
సై అంటే సై అనే పౌరుషం లేదా....
అంతేనా....

ప్రతి చిన్న ఆనందాన్ని ఆస్వాదించే భావుకత ఉంది..

సమస్తం అర్థం చేసుకునే.. తెలివి ఉంది...

సర్వస్వం బరించే సహనం ఉంది..

అందరిని ప్రేమించే.. హృదయం ఉంది...

గిలిగింతలు పెట్టె.. కొంటె తనం ఉంది..

ఎదుటివారి ప్రతి చిన్న కష్టానికి స్పందించే.. మంచి మనసుంది...

ఉన్నయి కదా....!!

మా అల్లరి కృష్ణుడు అన్నింట్లో.. ఘనుడు..సుమా...!!

కదా....!! బావగారు...!!!

----------౦-------------

అన్నీ ఉన్నా మా బావగారి దగ్గర ఒక్కటి మాత్రం ఉండదు... అదేమిటో తెలుసా.....

ఆయన సెల్ లో బాలన్స్..!!!

-----------౦------------

ఏవండోయ్..బావగారు.... చిన్న మాట..!

అటుకులిచ్చిన వాడికి అష్టిశ్వర్యలిచ్చాడట.. ఆ శ్రీ కృష్ణుడు..

మరి మీ లీలల్ని.. మిమ్మల్ని... వర్ణించిన ఈ రచయిత్రికి ఎ బహుమానం లేదా...!!

.............

మొద్దు బావగారు...!!

నా బహుమానం ఏమిటో తెలుసా...!!

అదే మీ పెదాల మీద మెరుస్తోందే ....

మీ చిరునవ్వు......!!!!!

..............

ఇట్లు....

( పేరు తెలుసుగా.....)